Luna a San Zorzi

 

Dadrio del campanil spunta la luna
La bavesela che vien zo dal mar
La fa della mia gondola ‘na cuna
Facendola sul’aqua dindolar.

San Zorzi se soleva pian pianelo
Che sogno, che beleza, o che mister
Le stele le se incanta sul nel cielo
El remo pur se ferma al gondolier.

La Zeca, le Colone, el gran Palazzo
Se sbianca entro quel’aria inamorada
E l’aqua che vien zo dal Canalazzo
La trema grissolando, inarzentada.

Ti pol zirar il mondo tuto quanto
Per mar, per terra, per qualunque strada,
che mai ti proverà l’istesso incanto
la luna che a San Zorzi xe spuntada

 

Testo di Artuto Maifreni
Musica di Enrico Pasini

Vedi anche prefazione

 

                                                                        

---